देवदास मानन्धरं यानादीगु थीथी ज्यायात लुमंकाः लक्ष्मीदास मानन्धर स्मृति प्रतिष्ठानं येँया नेपाः बैक्वटय् देवदास मानन्धर लुमन्ति पुथि उलेज्या याःगु दु।

नेपालभाषा एकेडेमिया नायः मल्ल के. सुन्दरया मू पाहाँसुइ जूगु ज्याझ्वलय् नेवाः न्ह्यलुवाः साहित्यकार हितकरबीर सिं कंसाकार लिसें आपालं नेवाः न्ह्यलुवापिं पाहाँ कथं उपस्थित जुुगु खः।

ज्याझ्वलय् देवदास मानन्धरया जहान सरोज मानन्धरं लसकुस यानादिगु खः।ज्याझ्वलय् लुमन्ति पुथि च्वसु च्वयादिपिं १६० म्हसित सुभाय् पौ व लुमन्ति पुथि पिकायेत विशेष ग्वाहालि यानादीपिं खुम्हसित लुमन्ति चिं लः ल्हाःगु खः।

लक्ष्मीदास मानन्धर स्मृति प्रतिष्ठानया नायः नारायणदास मानन्धरया सभापतित्वय् जूगु ज्याझ्वलय् लुमन्ति पुथि सुफूया सम्पादक बिष्णु चित्रकारं सफूयात कयाः थःगु नुगः प्वंकादीगु खः।

Categorized in राष्ट्रिय