सशस्त्र प्रहरी बल, नेपालया संस्थापक महानिरीक्षक कृष्णमोहन श्रेष्ठ नापं वय्कःया तिरीमय्जु नुडुप श्रेष्ठया लुमन्तिइ चैनपुर नगरपालिका–६ जिरोपोइन्टय् झ्वाता अनावरण याःगु दु।

सशस्त्र प्रहरी बलया महानिरीक्षक राज अर्यालं मङ्गलबाः झ्वाता अनावरण यानादीगु खः। वय्कलं मदुम्ह श्रेष्ठया योगदान लुमंकादिसें वय्कःया जन्मस्थलय् झ्वाता अनावरण यायेगु गौरवया विषय जूगु धयादिल।

चैनपुर नगरपालिकाया खुगू लख ध्यबा ग्वाहालिइ उगु झ्वाता निर्माण याःगु खः।

Categorized in राष्ट्रिय