प्रधानमन्त्री केपी शर्मा ओलीं आइसिसी विश्वकप लिग–२ एकदिवसीय शृङ्खलाय् नेपाः त्याःगुलिं दक्व कासामितय्त भिंतुना बियादीगु दु।

वंगु चान्हय् स्कटल्याण्डय् जूगु कासाय् नेदरल्यान्ड्सयात बुकाः नेपालं आइसिसी विश्वकप लिग–२ एकदिवसीय त्रिकोणात्मक शृङ्खलाय् छसिंलाक्क निगूगु कासा त्याकूगुलिं प्रधानमन्त्री ओलीं कासामितय् हौसला थकासें सामाजिक सञ्जालपाखें भिंतुना बियादीगु खः।

वंगु चान्हय् जूगु शृङ्खलाया निगूगु कासाय् नेपालं नेदरल्यान्ड्सयात ५ गू विकेटं बुकूगु खः। थ्व स्वयां न्ह्यः शृङ्खलाया न्हापांगु कासाय् नेपालं स्कटल्यान्डयात छगू विकेटं बूकूगु खः।

Categorized in कासा