थौं जुन ५ अथे धइगु विश्व वतावरण दिवस। ‘प्लाष्टिक प्रदूषण न्यूनीकरणः हाम्रो दायित्व’ नारा ज्वनाः विश्वया थी थी मुलुकय् थ्व दिवस हःगु दु।

देय्या थी थी थासय् नं थ्व दिवस थी थी ज्याझ्वः यानाः हनेत्यंगु दु। संयुक्त राष्ट्रसङ्घं आह्वान याःकथं सन् १९७३ निसें दँय्दसं जुन ५ तारिखयात विश्व वातावरण दिवस कथं हना वयाच्वंगु खः। थौं दक्षिण कोरियाय् विशेष ज्याझ्वः यानाः थ्व दिवस हनीगु संयुक्त राष्ट्रसङ्घं धाःगु दु।

राष्ट्रसङ्घया कथं दँय् दसं पृथ्वीइ ४० क्वति टन प्लाष्टिकजन्य फोहर उत्पादन जुइगु, उत्पादित अजाःगु फोहर मध्ये उकिया १० प्रतिशत जक हाकनं छ्यलीगु नापं १ क्वति १० लख टन प्लाष्टिक खुसि, पुखू व महासागरय् बिसर्जन जुयावयाच्वंगु दु। थौं गैरकानुनी कथं न्याँ लाइपिंविरुद्धया सङ्घर्ष दिवस नं खः।

राष्ट्रसङ्घीय खाद्य नापं कृषि सङ्गठन (एफएओ)या आह्वानय् सन् २०१७ निसें थ्व दिवस हनेगु न्ह्याकूगु खः।

Categorized in राष्ट्रिय