सुचना लिसें संचार प्रविधिमन्त्री पृथ्वी सुब्बा गुरुङं प्रतिनिधिसभाया पंगः याकनं चिला वनीगु भलसा कयादीगु दु। विराटनगर विमानस्थलय् थौं सञ्चारकःमि नाप खँल्हानादिसें वय्कलं न्ह्याना च्वंगु अधिवेशनपाखें हे निजामती कर्मचारी ऐन व शिक्षा ऐन जारी जुइगु धयादिल।

कर्मचारीया दोषय् विभागीय मन्त्रीं राजीनामा बिइमाःगु विषय तर्कसङ्गत मजूगु धयादिसें वय्कलं प्रतिपक्षी दलं प्रतिशोध कायेगु ल्याखं संसदय् पंगः थना च्वंगु टिप्पणी यानादिल।

अख्तियार दुरुपयोग अनुसन्धान आयोगया छानबिनया विषयस टिप्पणी याये मिले मजूगु धयादिसें सरकारया प्रवक्ता नापं जुयाच्वनादिम्ह मन्त्री गुरुङं अख्तियारया दुरुपयोग याइपिंत आयोगं छानबिन याइगु स्वभाविक जूगु धयादिल।

Categorized in राष्ट्रिय