प्रधानमन्त्री केपी शर्मा ओलीं बकर इदया भिंतुना प्वंकादीगु दु। थौं सामाजिक सञ्जालपाखें प्रधानमन्त्री ओलीं पवित्र नखः इद–उल–अज्हाया लसताय् स्वदेश व विदेशय् च्वंपिं सकसित नं भिंतुना प्वंकादिल।

 

“बहुजातीय, बहुधार्मिक व बहुसांस्कृतिक झीगु देशय् थ्व पर्वं थवंथः सद्भाव, सामाजिक एकता व राष्ट्रिय एकतायात अझ क्वातुकेमा, न्यायपूर्ण, सहिष्णुता व समृद्ध समाज निर्माणय् बकर इद नखलं प्रेरणा बियाच्वनेमा”। प्रधानमन्त्री ओलीं धयादिल, “इद मुबारक ! मुस्लिम धर्मावलम्बीतय्गु निगूगु तःधंगु नखः बकर इद (इदुल जोहा) थौं देय् न्यंकया मस्जिदय् न्यायेका च्वंगु दु।”

इदुल फित्र अथे धइगु रमजान नखःया ७० क्वःगु न्हुकुन्हु बकर इद न्यायेकीगु धार्मिक विधि खः। मुस्लिम धर्मावलम्बी तय्सं थौं सुथय् हे म्वः ल्हुयाः लिक्कसं च्वंगु मस्जिद वा इदगाहय् वनाः सामूहिक नमाज ब्वनी।

नमाज ब्वनेधुंकाः थवंथः भिंतुना कालबिल याइ।

Categorized in राष्ट्रिय