सार्वजनिक विदा कटौती बिरुद्ध जनजातीया प्रदर्शन
नृपेन्द्रलाल श्रेष्ठ | थिंला एकादशी ११३८ (दिसेम्वर १९ २०१८)
आदिवासी जनजाति समुदायं थःपिनिगु नखः इलय् सार्वजनिक बिदा बिइत माग यासें थौं माइतीघर मण्डलाय् प्रदर्शन याःगु दु ।
सरकारं न्हापा तमु ल्होसार, ग्याल्बो ल्होसार, सोनाम ल्होसार, उघौली, उभौली, माघी, माघे संक्रान्ति लिसेंया सार्वजनिक बिदा बिया वया च्वंगु खः ।
सरकारं सार्वजनिक विदा कटौती यायेगु झ्वलय् थःपिनिगु समुदायया नखः इलय् विदा मब्यूगु धासें आदिवासी जनजाति महासंघं आन्दोलन घोषणा याःगु खः ।
बर्तमान सरकारं सार्वजनिक विदाय् यक्को कटौति याःगु खः । गणतन्त्र दिवस, लोकतन्त्र दिवस, राष्ट्रिय एकता दिवस, सहिद दिवस, राष्ट्रिय प्रजातन्त्र दिवस थें जाःगु ऐतिहासिक पर्वय् तक विदा कटौति याःगु खः ।
