प्रधानमन्त्री केपी शर्मा ओलीयात आदिवासी जनजाति आयोगं येँ–तराई÷मधेस दू्रतमार्ग सतक आयोजनाया सुरु विन्दुुयात यलया गोदावरी नगरपालिका–८ य् च्वंगु डुुकुछापय् स्थानान्तरण यायेत सुुझावलिसेंया अध्ययन प्रतिवेदन थौं लल्हाःगु दु।

प्रधानमन्त्री नापं मन्त्रिपरिषदया ज्याकुथि, सिंहदरबारय् आयोगया नायः रामबहादुर थापामगरं उगु प्रतिवेदन प्रधानमन्त्री ओलीयात लःल्हानादिल। प्रतिवेदनय् उगु आयोजनाया आःया प्रवेश विन्दुु यल महानगरपालिका–२१ या ख्वनाया फुडोलय् जुइबलय् आदिवासी नेवाः समुुदायत विस्थापन जुइगु जोखिम वइगु नापं स्थानीय तय्स मानवअधिकारया उल्लङ्घन जूगु व बागमती खुसि सफाइ सुधार आयोजनाया कार्यान्वयनबारे संयुुक्त राष्ट्रसङ्घीय मानवअधिकार उच्चायुक्तया ज्याकुथि अन्तर्गतया ज्या पुचः व विशेष र्यापोर्टरं प्वंकूगु च्यूताया सम्बन्धय् नेपाल सरकारं छ्वयेमाःगु लिसःया ज्याय् ग्वाहालि यायेत आयोगं उगु प्रतिवेदन ब्यूगु खः।

प्रधानमन्त्री नापं मन्त्रिपरिषदया ज्याकुथिया मानवअधिकार नापं अन्तर्राष्ट्रिय सन्धि सम्झौता महाशाखां आयोगयात सुुझाव प्रतिवेदन बिइत इनाप याःगु खः। प्रतिवेदनय् खोना लागा नेवाः समुुदायतय् धार्मिक व सांस्कृतिक सम्पदा जूगुलिं डुकुुछापय् स्थानान्तरण यायेगु पाय्छि जुइगु न्ह्यथनातःगु खः।

लिसें नेपाल सरकारं थजाःगु आयोजाना सञ्चालन याइगु इलय् स्थानीय आदिवासी जनजाति समुदायलिसे पूर्वसुुसूचित स्वतन्त्र सहमति कायेत नं सुुझाव ब्यूगु खः।

Categorized in राष्ट्रिय