ग्वार्कोय् दयका च्वंगु ओभरपास थौ छगु ज्याझ्वः दथुइ प्रधानमन्त्री केपी शर्मा ओलीं उलेज्या याइगु जुगु दु। भौतिक पूर्वाधार लिसे यातायात मन्त्रालयया कथं थौ शुक्रवाः प्रधानमन्त्री ओलीं उलेज्या याये धुका ओभरपासय् सवारी आवागमनया निति खुल्ला जुइगु दु।

१२ फागुन २०७८ य् ठेक्का ब्युगु थुगु परियोजना सम्पन्न जुइत प्यदँ स्वया अप्पो ई काःगु खः।ग्वार्को ओभरपास अन्तर्गत २० मिटर स्पाननाप ४ लेनया ताँ निर्माण जुगु खः। थ्व बाहेक ५ सय मिटर ताहाकगु अप्रोच सतक न दयकूगु खः। बालकुमारी व सातदोबाटोपाखे ¥याम दयकूगु खः।

चक्रपथ सतक दथुइ प्यगू लेन सतकय् पःखा दयका ओभरपास दयकूगु खः।ताँया क्वं मंगलबजाः व इमाडोलय् वनेत सवारीसाधन निर्वाध वनेगु कथं ओभरपास दयकूगु खः।

उगु ओभरपासं अन ट्राफिक जाम म्हो जुइगु भलसा काःगु दु।

Categorized in राष्ट्रिय