वइगु भदौ १२ गतेनिसें प्रदर्शनया नितिं क्वःछ्यूगु संकिपा ‘कोसेढुङ्गा’ नेपाःलिसें ४० गू स्वयां अप्वः देसय् छकलं रिलिज याइगु जूगु दु।

सरोज पौडेलया निर्देशनय् निर्माण जूगु संकिपा कोसेढुङ्गा नेपाः नापनापं अमेरिका, अस्ट्रेलिया, जापान, बेलायत, क्यानडालिसें ४० गू स्वयां अप्वः देसय् प्रदर्शन जुइ धाःगु दु।

संकिपायात प्याट्रिक सेभेन सिज इन्टरनेसनलं अन्तरराष्ट्रिय बजारय् वितरण यायेत्यंगु खः। “झीगु संकिपा ४० गू स्वयां अप्वः देसय् छकलं प्रदर्शन जुइ त्यंगु दु, थप मेमेगु देसय् प्रदर्शनया नितिं वितरकलिसे खँल्हाबल्हा जुयाच्वंगु दु”, निर्देशक पौडेलं धयादिल।

नेपाःया संकिपाया हे इतिहासय् थ्व संकिपा छकलं ४० गू स्वयां अप्वः देसय् रिलिज जुइत्यंगु सेभेन सिज इन्टरनेसनलया निर्देशक रमेश ढकालं जानकारी बियादिल।

Categorized in मनोरन्जन