इजरायलया प्रधानमन्त्री बेन्जामिन नेतान्याहुं अमेरिकाया राष्ट्रपति डोनाल्ड ट्रम्पया युद्धविराम प्रस्ताव स्वीकार यासें इजरायलं चाहे जूगु स्वयां अप्वः उपलब्धि हासिल याःगु प्रतिक्रिया बियादीगु दु।

नेतान्याहुं ‘अपरेशन राइजिङ लायन’या फुक्क लक्ष्य पूवंगु जक मखु, इजरायली मन्त्रिपरिषदया बैठक लिपा उलि स्वयां अप्वः नं पूवंगु धाःगु दु । नेतान्याहुं जारी याःगु विज्ञप्तिइ धयातःगु दु, ‘इजरायलं आणविक व ब्यालिस्टिक मिसाइल क्षेत्रं ब्वलंकूगु निगू तत्काल अस्तित्वया खतरायात मदयेकूगु दु ।’

इजरायली सेनां ‘तेहरानया आकाशय् पूर्ण हवाई नियन्त्रण स्थापित याःगु, इरानया सैनिक नेतृत्वयात गम्भीर क्षति याःगु व दर्जनौं मू केन्द्र सरकारया संरचना स्यंकूगु’ दाबी याःगु दु।

विज्ञप्तिइ धयातःगु दु, ‘अपरेशनया लक्ष्य प्राप्त जूगुया प्रकाशय् इजरायलं राष्ट्रपति ट्रम्पलिसे पूर्ण समन्वयय् निगू पक्षीय युद्धविरामया प्रस्तावयात स्वीकार याःगु दु। इजरायल सरकारं चेतावनी बिउगु दु, ‘यदि युद्धविराम उल्लंघन जुल धाःसा इजरायलं कठोर प्रतिक्रिया बी ।’

Categorized in अन्तर्राष्ट्रिय