फेसबुकय् च्वंगु आधारय् जागिर गुमेयाम्ह पत्रकारयात ७० हजार क्षतिपूति
लहनान्युज | दिल्लाथ्व पारु ११४५, जेठ १२ बिहीवाः
अष्ट्रेलियाया छगू अदालतं अष्ट्रेलियाया सार्वजनिक प्रसारण संस्था एबीसीं इजरायल व गाजा द्वन्द्व सम्बन्धी सामग्री सामाजिक संजालय् तःगु धासें छम्ह रेडियो पत्रकारयात गैरकानूनी रुपं बर्खास्त याय्गु फैसला याःगु दु।
अदालतं रेडियो पत्रकारयात गैरकानूनी रुपं बर्खास्त याःगु धासें एन्टोनेट लाटोफयात ७० हजार अष्ट्रेलियन डलर (४५ हजार अमेरिकी डलर) क्षतिपूर्ति बीत एबीसीयात आदेश ब्यूगु दु।
थ्व फैसला लिपा एबीसीं सार्वजनिक रुपं गल्तीया निंतिं माफी फ्वंगु दु। अदालत पिने लाटोफं धाःगु दु, “जितः जिगु राजनीतिक धारणाया कारणं सजाय बिल।” संघीय अदालतया न्यायाधीश डेरिल रंगियाहं थःगु फैसलाय् धयादी, “गाजाय् इजरायली सैनिक अभियानया विरोधय् राजनीतिक धारणा तःगु आधारय् प्रसारकं वयात बर्खास्त यानाः रोजगार कानून उल्लंघन याःगु अदालतं लुइकूगु दु।” लाटोफं एबीसीलिसे प्यन्हुया अनौपचारिक सम्झौता याःगु स्वन्हु लिपा एबीसीं सन् २०२३ या डिसेम्बरय् वयात बर्खास्त यायेगु निर्णय याःगु खः।
वं इन्स्टाग्रामय् गाजा द्वन्द्वयात कयाः ह्युमन राइट्स वाचया भिडियो रिपोर्ट रिपोस्ट यासें च्वःगु दु,“एचआरडब्लुं भोकमरीयात युद्धया साधनया रुपय् छ्यःगु दु।” धका च्वंगु खः।वं इन्स्टाग्रामय् गाजा द्वन्द्वयात कयाः ह्युमन राइट्स वाचया भिडियो रिपोर्ट रिपोस्ट यासें च्वःगु दु, “एचआरडब्लुं भोकमरीयात युद्धया साधनया रुपय् छ्यःगु दु।”
न्यायाधीश रंगियाहं एबीसीया उच्च व्यवस्थापनं उगु पदयात कयाः बिउगु प्रतिक्रियां “आतंकया अवस्था” ब्वलंगु व छघौया दुने उगु सामग्री चीकेमाःगु धाःगु दु, गुकियात सुनुवाईया झ्वलय् वादीतय्सं तर्क याःगु खः। एबीसीया प्रबन्ध निर्देशक ह्यूग माक्र्सं धाःगु दु, “लाटोफयात गुकथं स्वःगु खः व वय्कलं बियादीगु सन्देश चीकेगु निर्णयय् संकटं गुकथं लिच्वः लाकूगु खः, व उल्लेखनीय खः।”
जिमिगु पाखें छुं गल्ती जूगु खःसा घटनाया निंतिं जिमिसं पश्चाताप याना। वय्कलं धयादी, “थ्व विषययात जिमिगु मूल्य मान्यता व अपेक्षा कथं संचालन मयाःगु स्पष्ट दु।” वय्कलं थप धयादी, “जिमिसं थः कर्मचारी व दर्शकतय्त नं निराश यानागु दु, अले थ्व असफलतां जनता व संगठन दुने थुइकेबहःगु चिउताः ब्वलंकूगु दु ।”
Categorized in अन्तर्राष्ट्रिय
