मदन भण्डारी फाउन्डेशनं थुगु दँया मदन भण्डारी राष्ट्रिय पुरस्कार पर्यटन व्यवसायी आङ छिरिङ शेर्पायात ब्युइगु जुगु दु।

थौ छगु पत्रकार सम्मेलन ज्याझ्वः यासे फाउन्डेशनया सचिवालय सदस्य रामशरण प्याकुरेलं  ४७ दँ निसे वातावरण व जलवायु परिवर्तनया मुद्दाय् सक्रिय पर्यटन व्यवसायी शेर्पायात सिरपा लःल्हायेगु निर्णय यायेगु धका जानकारी बियादीगु खः।

शेर्पा सोलुखुम्बुया पासाङल्हामु गाउँपालिका–४ खुम्जुङ्ग गामय् च्वनादीम्ह खः। शेर्पां झन्डै १५ दँ नेपाल पर्वतारोहण सङ्घया नेतृत्व यानादीम्ह धुकुगुम्ह खः।

शेर्पायात कसं १४ गते जननेता मदन भण्डारीया ७४ क्वःगु जन्मजयन्ती कुन्हु छगु लाख रुपियाँ नगद नाप हनापौ लःल्हाइगु ज्याझ्वः दु धका प्याकुरेलं धयादी।

Categorized in राष्ट्रिय