प्रधानमन्त्री केपी शर्मा ओली स्पेन प्रस्थान यानादीगु दु। संयुक्त राष्ट्रसंघया ‘विकासया निति वित्त (फाइनान्सिङ फर डेभलपमेण्ट) प्यक्वःगु अन्तर्राष्ट्रिय सम्मेलन’ य् ब्बति कायेगु निति प्रधानमन्त्री उखे पाखे झायादीगु खः।

स्पेनया सेभिया शहरय् जुइगु उगु अन्तर्राष्ट्रिय सम्मेलन छगु दशकय् जुइगु ज्याझ्वः खः। संयुक्त राष्ट्रसंघया महासभा थे उगु सम्मेलनय् दुजः राष्ट्रया सरकार लिसे राष्ट्र प्रमुख तयेस ब्बति काइगु ज्याझ्वः खः।

भ्रमण टोलीइ २१ म्हेसिया ब्बति कागु दु धका प्रधानमन्त्रीया सचिवालयं धाःगु दु।

Categorized in राष्ट्रिय