हलिमय लोकह्वाःगु जासूस एक्सन संकिपा ‘जेम्स बण्ड’या न्हगु श्रृंखला दयकिइगु जुगु दु। अमेजन एमजीएम स्टुडिया न वइगु श्रृंखलाया निर्देशकय् डेनिस भिलेनुभया नां घोषणा याःगु दु।

‘ड्युन’ थे जाःगु व्यवसायिक व समीक्षात्मक कथं म्हसिगु संकिपा निर्देशन याम्ह डेनिसया थ्व लोकह्वाःगु संकिपा श्रृंखला जुइगुलि महत्व कथं स्वयाच्वंगु दु। थ्व संकिपा तान्या लापोइन्टे कार्यकारी निर्माता कर्थ जुइगु दु। न्हापा घोषणा या थे, एमी पास्कल व डेभिड हेमनं निर्माताया कथं ज्या याइगु जुगु दु।

भिलेनुभ छगु प्रशंसित अस्कर मनोनित फ्रान्सेली–क्यानेडियन फिल्म निर्माता खः। नकतिनि हे वार्नर ब्रदर्सया लागि ‘ड्यून’ व ‘ड्यून ः पार्ट २’ निर्देशन खः। थुकिया स्वगूगु श्रृंखला ‘ड्यून ः मसिह’ निर्माणया याना च्वंगु झ्वलय् दु व सन् २०२६ य् रिलिज जुइगु भलसा कयातःगु दु।

जेम्स बन्डया न्हुगु श्रृंखलाया छायांकन सन् २०२६ य् पाइनउड स्टुडियोपाखे जुइगु धका धाःगु दु। थुगु संकिपा २०२८ या अक्टोबर–नोभेम्बरय् जुइगु भलसा कयातःगु दु। आःतक जेम्स बण्डया शीर्ष भूमिकाय् सू कलाकारं अभिनय याइगु धाःसा सिइमदुनि।

थ्व स्वया न्ह्यः शीर्ष भूमिकाय् खने दयावयाच्वम्ह डेनियल क्रेग श्रृंखलां पिहा वने धुकुगु दु।

Categorized in मनोरन्जन