विकासया निंतिं वित्तसम्बन्धी संयुक्त राष्ट्रसङ्घया प्यक्वःगु अन्तरराष्ट्रिय सम्मेलनय् ब्वति कायेगु झ्वलय् प्रधानमन्त्री केपी शर्मा ओली थन थ्यंकःझागु दु।

प्रधानमन्त्री ओलीयात थनया अडोल्फो सौरेज बराजाज अन्तरराष्ट्रिय विमानस्थलय् स्पेनया निंतिं नेपाःया राजदूत शनील नेपाल, संयुक्त राष्ट्रसङ्घया निंतिं नेपाःया स्थायी प्रतिनिधि लोकबहादुर थापा व स्पेनया विदेश मन्त्रालयया वरिष्ठ अधिकारीपिंसं लसकुस यानादीगु खः।

प्रधानमन्त्री ओली नेतृत्वया प्रतिनिधिमण्डल थौं सनिलय् सम्मेलनस्थल सेभिल्ला थ्यनीगु ज्याझ्वः दु।

Categorized in राष्ट्रिय