लिओनल मेस्सीया क्लब इन्टर मियामी ’क्लब विश्वकप’ पाखे पिहावःगु दु। एटलान्टाय् जुगु प्रि–क्वाटरफाइनल लिपागु १६ य् मेस्सीया पूर्वक्लब पेरिस सेन्ट–जर्मेन (पीएसजी) नाप ४–० न बुइवं इन्टर मियामी कासापाखे पिहावःगु खः।

कासाया न्हापागु हाफय् पीएसजीं प्यंगू गोल याःगु खः। अनमार्क न जोआओ नेभेसं खुगुं मिनेटय् हेड याना न्हापागु गोल याःगु खः। वया ३० मिनेत लिपा पासिङ मूभया अन्त्य यासे निगु गोल याःगु खः।

४४ मिनेटय् इन्टर मियामीया थमस अविलेसं थःगु हे पोस्टय् गोल यायेवं ३–० जुगु खः।न्हापागु हाफया लिपागु इलय् अचार्फ हाकिमीं प्यंगू गोल यासे इन्टर मियामीं पुनरागमनया लुखाँ बन्द याना ब्यूगु खः।

Categorized in कासा