अमेरिकाया राष्ट्रपति डोनाल्ड ट्रम्पं ‘अ बिग ब्युटिफुल बिल’ करार बिइगु कानुनया मस्यौदा एलन मस्कं शनिवाः सामाजिक सञ्जालं आलोचना याःगु दु।

सिनेटया रिपब्लिकनं पारित यायेत स्वयेच्वंगु ट्रम्पया घरेलु नीति विधेयकया मस्कं आलोचना याःगु खः। विधेयकया छु व्यवस्थायात कया निम्ह दथुइ ‘वाक्युद्ध’ क्वचागु छु वाः लिपा मस्कं ट्रम्पविरुद्ध हाकन राजनीतिक टिप्पणी याःगु खः। शनिवाः सुथय् रिपब्लिकन नेता तयेस राष्ट्रपतिया एजेन्डा पूरा यायेत ९ सय ४० पाना न्हगु विधेयक सार्वजनिक याःगु खः।

उगु विधेयकं कर घटे यायेगु, औषधि उपचार कोषय् कटौती यायेगु, पोषण सहायता कटौती यायेगु व सेना नाप आप्रवासन नीति कार्यान्वयनय् खर्च बढे यायेगु खः। अय्न सिनेटं औषधोपचार कोषय् निर्भर रिपब्लिकन तयेगु वर्चस्व दुगु ग्रामीण क्षेत्रया अस्पतालयात ग्वहालि यायेत मेगु कोष नापं छु न्हुगु उपाय न समावेश याःगु दु। रिपब्लिकन बहुमतया नेता तय्सं ट्रम्पया जुलाई ४ या ई न्ह्यने हे विधेयकयात सिनेटपाखे पारित यायेत व सदनया लिपागु इलय् अनुमोदन याइगु भलसा काःगु दु।

टेस्ला व स्पेसएक्सया प्रमुख कार्यकारी नाप अर्बपति मस्क राष्ट्रपति ट्रम्प नाप वाक्युद्ध लिपा अपेक्षाकृत कथं छु भचा शान्त जुगु खः। तर शनिवाः सिनेटं प्याकेजया बारेय् सहलह यायेगु घोषणा यायेवं मस्कं थःगु सामाजिक सञ्जाल एक्सय् छगु पोस्टयासे विधेयकयात ‘पूर्ण रूपं वँय् चाःगु व विनाशकारी’ धका हाकन बहस यायेगु न्ह्यावःगु दु।

‘सिनेटया लिपागु इलय् विधेयकया मस्यौदां अमेरिकाय् लाखौं रोजगारी नष्ट याइ व झीगु देशय् तधःगु रणनीतिक हानि याइ,’ मस्कं च्वंगु दु।

Categorized in अन्तर्राष्ट्रिय