बलिउडया लोकह्वाम्ह अभिनेता परेश रावल ‘हेरा फेरी ३’ य् हाकन अभिनय याइगु पक्का जूगु दु। छु ई न्ह्यः परेश रावलं संकिपापाखे लिहावनेगु खबर सार्वजनिक याःगु खः।

उगु बुखँ न उत्पन्न जुयाच्वंगु अन्योलयात अन्त्य यासे नकतिनि हे छगु पोडकास्ट अन्तर्वार्ताय् समस्या समाधान जुगु जानकारी ब्यूगु दु।

रावलं निर्माता लिसे अभिनेता अक्षय कुमारनाप मतभेद मिले जुइ धुकुगु व संकिपाया छायांकन नियमित प्रक्रियाय् न्ह्यने वने धुकुगु दु धका धाःगु दु।

‘हेरा फेरी ३’ य् रावलनाप अभिनेता अक्षय कुमार व सुनील शेट्टी हाकन खने दइगु जुगु दु। ‘हेरा फेरी’ सन् २००० य् प्रदर्शनय् वःगु खःसा थुगु सिक्वेल ‘फिर हेरा फेरी’ २००६ य् वःगु खः।

Categorized in मनोरन्जन