एएफसी मिसा एसियन कप २०२६ छनोट अन्तर्गत थौं नेपालं थःगु निगूगु कासाय् श्रीलंकालिसे म्हितीगु जूगु दु। उज्बेकिस्तानया ताश्केन्तय् च्वंगु बुन्योदकोर रंगशालाय् नेपाली ई कथं सनिलया ६ः१५ ताः इलय् कासा सुरु जुइ।

फिफाया लिपांगु वरीयताय् नेपाः १०० गु थासय् दुसा श्रीलंका १५९ गु थासय् दु। वंगु आइतवाः जूगु न्हापांगु कासाय् नेपालं लाओसयात ९–० गोलं बुकूगु खःसा श्रीलंका उज्वेकिस्तानलिसे १०–० गोलं बुगु खः।समूह ‘एफ’य् लाःगु नेपाल स्वंगू ल्याःलिसें धलखय् निगूगु थासय् दुसा उज्वेकिस्तान शीर्ष थासय् दु। धलखय् लाओस स्वंगूगु व श्रीलंका दकलय् च्वय् लानाच्वंगु दु।

अथे हे समूह चरणया स्वंगूगु व लिपांगु कासाय् शनिवाः असद २१ तारिखय् नेपालं उज्वेकिस्तानलिसे म्हिती।मिसा एसियाली कप छनोटय् ३४ गू टिमयात ८ गू पुचलय् विभाजित याःगु दु । प्रत्येक समूहया विजेतां वइगु दँय् अष्ट्रेलियाय् जुइगु एसियाली कपय् म्हितीगु जूगु दु।

ग्वसाः खलः अष्ट्रेलियालिसें चीन, दक्षिण कोरिया व जापानं १२ गू टिमया कासाय् छनोट जुइ धुंकूगु दु।

Categorized in कासा