अजहर महमूदयात पाकिस्तानया मिजं टेस्ट क्रिकेट टिमया कार्यवाहक मुख्य प्रशिक्षक नियुक्त याःगु दु। पाकिस्तान क्रिकेट बोर्डं पूर्व अलराउन्डर अजहरयात टेस्ट टिमया न्हूम्ह कार्यवाहक मुख्य प्रशिक्षक नियुक्त याःगु दु।

अजहरं थ्वसिबें न्ह्यः पाकिस्तानया मिजं टिमया बलिङ प्रशिक्षक व सहायक मुख्य प्रशिक्षक कथं ज्या यानाच्वम्ह खः। कासामि व प्रशिक्षकया कथं न्हापाया अनुभवया कारणं अजहरं थ्व भूमिका बांलाक पूवंके फइगु भलसा पीसीबी काःगु दु।

वंगु दँया अन्त्यपाखे अष्ट्रेलियाया जेसन गिलेस्पीं राजीनामा बिइ धुंकाः पूर्व फास्ट बलर व सन् १९९२ या आइसीसी मिजं क्रिकेट विश्वकप विजेता आकिब जावेदं टेष्ट टिमया प्रशिक्षकया रुपय् ज्या याना च्वंगु खः। आःया अनुबन्ध क्वचायेत तकं अजहरया मुख्य प्रशिक्षक जुयाच्वनीगु पीसीबीं धाःगु दु।

५० दँया पूर्व अलराउन्डर अजहर महमूदं सन् १९९७ निसें २० दँया इलय् १४३ एकदिवसीय अन्तर्राष्ट्रिय व २१ टेष्ट कासाय् देय्या प्रतिनिधित्व याःगु खःसा वय्कलं १६२ विकेट कयाः ३ शतक दयेकादीगु दु।

Categorized in कासा