नेपालं लगातार निक्वःगु एएफसी मिसा एसियाली कप छनोट कासा त्याकूगु दु। उज्बेकिस्तानया तास्केन्टय् जूगु कासाय् नेपालं श्रीलंकायात ८–० गोलं बुकूगु खः।

नेपाःया कप्तान सावित्रा भण्डारी ‘साम्बा’ं ह्याट्रिक याःगु खः। अथे हे गीता रानां २ व निशा थोकर, रेखा पौडेल व पूजा रानां १–१ गोल यागु खः। थुगु कासा लिपा नेपाः निगु कासा म्हिताः ६ ल्याः हयाः समूह ‘एफ’या शीर्ष थासय् थहांवःगु दु।

नेपालं न्हापांगु कासाय् लाओसयात ९–० गोलं बुकूगु खः। आः नेपालं शनिवाः समूह चरणया लिपांगु कासाय् आयोजक उज्वेकिस्तानलिसे म्हितीगु जूगु दु। मिसा एसियन कप छनोटय् ३४ गू टिमयात च्यागु पुचलय् ब्वथले धुंकूगु दु। प्रत्येक समूहया विजेतां वइगु दँय् अष्ट्रेलियाय् जुइगु एसियाली कप म्हितीगु जूगु दु।आयोजक अष्ट्रेलियालिसें चीन, दक्षिण कोरिया व जापानं १२ गू टिम दुथ्याइगु उगु कासाय् छनोट जुइ धुंकूगु दु।

Categorized in कासा