स्पेनया औपचारिक भ्रमणय् झायाच्वनादीम्ह प्रधानमन्त्री केपी शर्मा ओलीं थौं मेड्रिडय् च्वंगु प्रादो राष्ट्रिय सङ्ग्रहालयया अवलोकन यानादीगु दु। युरोपया हे पुलांगु मध्ये छगू लाःगु उगु कला सङ्ग्रहालयया अध्यक्ष जाबियर सोलानें प्रधानमन्त्री ओलीयात लसकुस यानादिल।

सङ्ग्रहालयकय् युरोप व स्पेनया इतिहास, संस्कृतिलिसे सम्बन्धित घटनातय्त कलात्मक ढंगं न्ह्यब्वयातःगु खः। अवलोकनया झ्वलय् न्हापांम्ह मिसा राधिका शाक्य, प्रधानमन्त्रीया मुख्य सल्लाहकार विष्णुप्रसाद रिमाल, खानेपानीमन्त्री प्रदीप यादव, परराष्ट्र मन्त्रालयया सचिव अमृतबहादुर राई, अर्थ मन्त्रालयया सचिव घनश्याम उपाध्यायया ब्बति दुगु खः

स्पेनया सेभियाय् ग्वसाःग्वःगु संयुक्त राष्ट्रसङ्घया विकासया नितिं लगानीसम्बन्धी प्यक्वःगु अन्तरराष्ट्रिय सम्मेलनय् ।ब्वति कयाः प्रधानमन्त्री ओली मेड्रिडया ज्याझ्वलय् झायादीगु खः। प्रधानमन्त्री ओली थौ शुक्रबाः सनिलया ५ ताः इलय् स्वदेश लिहाझाइगु ज्याझ्वः दु।

Categorized in राष्ट्रिय