दँय् दसं आषाढ शुक्ल एकादशीया दिं थः थःगु छेँय् तुलसीमा पिनाः प्यला तक विषेश पुजा याइगु दिं  थनिनिसें न्ह्याःगु दु।

लच्छि न्ह्यः जेष्ठ शुक्ल एकादशीया दिं थः थःगु छेँय् तुलसी मोठय् तुलसी पुसापाखें ह्वःगु तुलसीमायात थौं मेगु थासय् यंकाः पिइगु याइ। सनातन वैदिक परम्परा कथं तुलसीयात विष्णु द्यःया चिंया कथं कयातःगु दु। थनिनिसें कार्तिक शुक्ल एकादशीया दिं तक तुलसीमा यात विशेष पुजा यायेगु  याइ।

हरिशयनी एकादशीया लसताय् थौं सुथंनिसें स्वनिगःया प्यम्ह नारांद्यः व भुइजःसि लिसें देय् न्यंकंया नारांद्यः थाय् म्वो म्वो भक्तजनत थ्यंकाच्वंगु दु। एकादशीया दिं खास यानाः जाकीया नसाँ त्वँसा मनयेगु, छुचुंमरि, ढिँडो नापनापं सिसाबुसा नयेगु याइ।

Categorized in राष्ट्रिय