राष्ट्रपति रामचन्द्र पौडेलं छाउनीया राष्ट्रिय सङ्ग्रहालय व नेपाली सेनाया सैनिक सङ्ग्रहालयया थौं अवलोकन यानादीगु दु। राष्ट्रपति पौडेल न्हापांम्ह मिसा सबिता पौडेलनापं छाउनी सङ्ग्रहालयया अवलोकनय् झायादीगु खः।

वय्कःयात पुरातत्व विभागया महानिर्देशक सौभाग्य प्रधानाङ्ग, सङ्ग्रहालयया प्रमुख अरुणा नकःमि व राष्ट्रिय मुद्रा सङ्ग्रहालयया प्रमुख मायादेवी अर्याललिसेंया पदाधिकारीपिंसं लसकुस यानादीगु खः। राष्ट्रिय सङ्ग्रहालयया प्रमुख नकःमिं सङ्ग्रहालययाबारे राष्ट्रपति यादवयात जानकारी बियादीगु खः।

नेपाली सेनाया सैनिक सङ्ग्रहालयय् थ्यंकादीगु इलय् वय्कःयात नेपाली सेनाया बलाधिकृत निर्मलकुमार थापां लसकुस यानादीगु खः। सैनिक सङ्ग्रहालयया सङ्ग्रहालय प्रमुख सेनानी गेलान लामां सङ्ग्रहालययाबारे जानकारी बियादीगु खः।

Categorized in राष्ट्रिय