आर्सनलं रियल सोसिडाडपाखें स्पेनिश मिडफिल्डर मार्तिन जुबिमेन्डीयात ५१ मिलियन पाउण्ड स्वयां अप्वो शुल्कय् न्याःगु क्लबं पुष्टि याःगु दु।

२६ दँया जुबिमेन्डीं वंगु गर्मीइ लिभरपुल वनेगु अस्वीकार याःगु खः। वं स्पेनिश क्लबया नितिं २३६ कासा म्हिताः १० गोल याःगु दु।वंगु सिजन ओल्ड ट्राफोर्डय् म्यानचेस्टर युनाइटेडलिसे ४–१ गोलं बुगु टिमय् जुभेमेन्डी नं दुगु खः।

उगु पराजयं रियल सोसिडाड युरोपा लिगं पिने लाःगु खः। वंगु दँ स्पेनयात युरो कप त्याकेत ग्वाहालि याःगु खः। नकतिनि पोर्चुगल विरुद्ध जूगु नेशन्स लिगया फाइनलय् नं जुभेमेन्डीं गोल याःगु खःसा स्पेनं पोर्चुगललिसे पेनाल्टीपाखें बुकूगु खः।

Categorized in कासा