अमेरिकाया टेक्सास राज्यय् खुसिबाः वयाः सीपिनिगु ल्याः १०४ म्ह थ्यंगु दुसा अन्तर्राष्ट्रिय सञ्चारमाध्यमया कथं आः नं आपालं मनूत बेपत्ता जुयाच्वंगु दु।

सीपिंमध्ये क्याम्प मिस्टिक नांया क्रिश्चियन मिसामस्तय्गु समर क्याम्पया २७ म्ह मिसामस्त व कर्मचारी नं दु। मेपिं १० म्ह मिसामस्त व छम्ह क्याम्प काउन्सिलर तनाच्वंगु समाचार वःगु दु। उद्धारकर्मीतय्सं इमित मालाच्वंगु दु।

अमेरिकाय मौसम सेवायात याःगु बजेट कटौतीयात थुगु घटनालिसे स्वानाः अमेरिकाया सरकारया आलोचना जुयाच्वंगु दु। तर ह्वाइट हाउसं थ्व आलोचनायात अस्वीकार यासें घटनायात प्राकृतिक प्रकोप धाःगु दु।

Categorized in अन्तर्राष्ट्रिय