अफगानिस्तानया अन्तर्राष्ट्रिय क्रिकेट अम्पायर बिस्मिल्लाह जान शिनवारी म्हिगः बहनी मन्त। वय्कलं नेपाल प्रिमियर लिग (एनपीएल)य् अम्पायर नं यानादी धुंकूगुम्ह खः।

अफगानिस्तान क्रिकेट बोर्डं अन्तर्राष्ट्रिय क्रिकेट अम्पायर शिनवारी सीगु पुष्टि याःगु दु। एसीबीया कथं शिनवारी ताःई न्ह्यःनिसें विरामी जुयाच्वंगु खः।

४१ दँया उमेरय् मदुम्ह शिनवारीं ३४ गू एकदिवसीय अन्तर्राष्ट्रिय व २६ गू टि–२० अन्तर्राष्ट्रिय कासाय् अम्पायर जुयादीगु खः।

Categorized in कासा