चलखं कालीगण्डकी करिडोर अवरुद्ध जूगु दु। मङ्गलबाः सनिलंनिसें वयाच्वंगु वां यानाः चलः वनाः करिडोर पूवंक अवरुद्ध जूगु खः।

जिल्ला प्रहरी ज्याकुथि बागलुङया सुचं अधिकारी वसन्त पाण्डेया कथं करिडोरया बागलुङ नगरपालिका–१० दब्ल्याङय् चलः वनाः लँ अवरुद्ध जूगु खः।

वा मदीगुलिं आः हे लँ चायेके फइगु अवस्था मदूगु धासें वय्कलं वा दितकि चलः चिइकेगु धयादिल। छुं छुं थासय् सतक तुनावना च्वंगु दु।

Categorized in राष्ट्रिय