अमेरिकाया राष्ट्रपति डोनाल्ड ट्रम्पं युक्रेनय् जुयाच्वंगु युद्धयात कयाः मस्कोयात थप प्रतिबन्ध तयेगु बारे बिचाः यानाच्वनागु खँ धाःगु दु।

ह्वाइट हाउसय् च्वंगु मन्त्रिपरिषदया बैठकय् न्ववासें ट्रम्पं द्वन्द्वया लिसलय्  रुसयात थप प्रतिबन्ध तयेगु सिनेट विधेयकयात समर्थन यायेगु वा मयायेगु बारे बिचाः यानाच्वनागु धाःगु दु।

विधेयकय् रुसपाखें ऊर्जा आयात याइगु देसय् तच्वःगु शुल्क लगे यायेगु नापं रुसी ऊर्जा उत्पादनयात ग्वाहालि याइगु विदेशी कम्पनीयात प्रतिबन्ध तयेगु व्यवस्था नं दुथ्याकातःगु दु। ट्रम्पं मंगलवाः अमेरिकाया रक्षा विभागं ल्वाभःया तयारीया समीक्षा लिपा अस्थायी रुपं निलम्बित रक्षात्मक ल्वाभः युक्रेन ढुवानी हाकनं न्ह्याकेगु स्वीकृति ब्यूगु नं घोषणा याःगु दु।

Categorized in अन्तर्राष्ट्रिय