अमेरिकाय् जुयाच्वंगु फिफा क्लब विश्वकप फुटवलय् पेरिस सेन्ट जर्मेन (पीएसजी) फाइनलय् थ्यंगु दु। म्हिगः रियल म्याड्रिडयात ४–० गोलं बुकाः फ्रान्सेली टिम पीएसजीं उपाधिया लिक्क थ्यंगु खः।

पिएसजीया फाबियन रुइसं २ गोल याःगु खःसा ओस्मान डेम्बें व गोनसालो रामोसं छगू छगू गोल याःगु खः। कासाया न्हापांगु २४ मिनेटय् पीएसजीं ३ गोल यासें रियलया डिफेन्स ध्वस्त याःगु खः।कासाया ६ मिनेटय् रुइजं न्हापांगु गोल याःगु खःसा न्यागूगु मिनेटय् डेम्बें गोल याःगु खः।

कासाया २४ गुं मिनेटय् रुइसं मेगु छगू गोल याःगु खःसा पिएसजीं कासाया पूर्ण नियन्त्रण काःगु खः।कासा सुरु जुइगु ३ मिनेट ल्यं दनिगु इलय् रामोसं याःगु गोलं याःगु खः। रियलया डिफेन्डरतय्सं गल्ती यानाः निगू गोल याये मफुत। काइलियन एमबाप्पें न्हापांगु चयनया रुपय् म्हितल तर उल्लेखनीय प्रभाव लाके मफुत। कासाया ६४ गु मिनेटय् लुका मोड्रिच मैदानय् दुहावःगु खः।

वं छुं प्रभाव लाके मफुत। पिएसजीं वइगु आइतबाः फाइनलय् चेल्सीलिसे म्हितीइ। अथेहे, अमेरिकाया न्यू जर्सीइ जुइगु फिफा क्लब विश्वकपया फाइनलय् अमेरिकाया राष्ट्रपति डोनाल्ड ट्रम्प नं ब्वति काइगु समाचार वःगु दु।

Categorized in कासा