ज्यापु संस्कृति विकास कोषं थौ गुरु पुन्हिया झ्वलय् बाजा गुरुपिन्त हने ज्या याःगु दु।

उगु ज्याझ्वलय् मूपाहाँ कथं येँ महानगरपालिकाया उपप्रमुख सुनिता डंगोलं परम्परागत ६३ ज्यापु त्वाःगुथिया गुरुपिन्त हने ज्या याःगु खः। त्वाः गुथि, खलः पुचःया बाजंया गुरुपि छु न विश्वविद्यालय स्वया म्हो मजु धका उपप्रमुख डंगोलं धयादीगु दु।

ज्यापु संस्कृति विकास कोषया अध्यक्ष मंगलकृष्ण सिंह संस्कृतियात कथं जीवित तय्त अमूल्य ई व ज्ञान इनेगु ज्या याइपि गुरुपिन्त हने ज्या याये दया थःपि तसक लय्ता धका धयादीगु खः।

अथेह यःमरी पुन्हि कुन्हु जुइगु राष्ट्रिय ज्यापू दिवस थुगु दँय् नरत्वाःयात ब्यूगु दु। थौ छगु ज्याझ्वः दथुइ पाःब्बः लःल्हागु दु।

Categorized in राष्ट्रिय