विश्वसम्पदा धलखय् दुथ्याःगु ऐतिहासिक चाँगुनारायण देगलय् भानु जयन्तीया झ्वलय् चाँगुनारायण नगरपालिका नगरकोट भ्रमण वर्ष–२०८२ सचिवालयं ग्वसाः ग्वय् त्यंगु ‘चाँगुनारायण कला, कलाय् साहित्य महोत्सव’या तयारी पूवंगु दु।

नगरपालिकां नगरकोट भ्रमण वर्ष–२०८२ या ज्याझ्वःअन्तर्गत थ्व हे असार २९ गते महोत्सव आयोजना यायेत्यंगु दु। देगः लागाय् ग्वसाः ग्वइगु महोत्सवया फुक्क तयारी पूवने धुंकूगु भ्रमण वर्ष सचिवालयया दुजः छ्याञ्जे नापं नगरपालिकाया पर्यटन शाखा प्रमुख गोविन्द कट्टेलं जानकारी बियादिल।

कला व साहित्यया संयोजनयात छगू हे थासय् स्वानाः चाँगुनारायणंनिसें नगरकोट तक प्रमुख पर्यटकीय गन्तव्ययात हलिंन्यंक पर्यटक दथुइ थ्यंकेगु आज्जु ज्वनाः कलाकार तय्गु किपातय् साहित्यकार तय्सं कविता च्वयाः वाचन यायेगु कथं महोत्सवया ग्वसाः ग्वगु वय्कलं थौं सञ्चारकःमितय्त जानकारी ब्यगु दु।

किपाः स्वयाः च्वःगु कवितायात नांजाःपिं कविपिन्स वाचन यानादी। महोत्सवय् ३३ म्ह कवितय्सं कविता वाचन याइगु व २३ म्ह कलाकारतय्सं कियातःगु किपाःत प्रदर्शनीइ ब्वयातइगु जुइ।

Categorized in राष्ट्रिय