नेपाल क्रिकेट सङ्घ (क्यानं) एसिसी मिजं यु–१६ इस्ट जोन कप क्रिकेट धेंधेंबल्लाय् उपाधि त्याकूगु नेपाःया टोलीया कासामि व अफिसियल तय्त म्हतिं ५० द्वः दांलिसें हनीगु जूगु दु।

थ्व हे असार २१ गते मलेसियाय् क्वचाःगु उगु धेंधेंबल्लाया फाइनल कासाय् नेपालं सिङ्गापुरयात निगू विकेटं बुकाः उपाधि त्याकूगु खः। उगु टोलीयात क्यानं म्हतिं ५० द्वः दां बिइगु धकाः क्यानपाखें पिकाःगु प्रेस विज्ञप्तिइ धयातःगु दु।

नेपालं थ्व स्वयां न्ह्यः पुचःया चरणय् म्हितूगु फुक्क कासा त्याकूगु खः। नेपालं सिङ्गापुर, जापान, इन्डोनेसिया व भुटानयात बुकूगु खः।

Categorized in कासा