डेविस कपय् ब्वति कायेत ४ म्ह कासामितलिसें खुम्ह दुजःया नेपाःया टेनिस टोली आइतबाः मलेसियाया क्वालालम्पुर वनेत्यंगु दु।

जुलाई १६ निसें १९ तारिख तक जुइगु धेंधेंबल्लाय् प्रदीप खड्का, प्रणव मानन्धर, निसान श्रेष्ठ व आयुशमान हजुर घलें नेपाःया हाथ्या न्ह्यब्वइ। प्रशिक्षकय् जितेन्द्र परियार नापं व्यवस्थापकय् जयजीव हाडा दु।

पुचः ४ या थ्व धेंधेंबल्लाय् नेपाःलिसें कुवेत, कीर्गिस्तान, मलेसिया, प्यासिफिक ओसिएना, कतार, इराक व फिलिपिन्स नापं च्यागू देय् निगू पुचलय् ब्वथलाः म्हिती।

टोलीयात युवा नापं खेलकुदमन्त्री तेजुलाल चौधरी, राष्ट्रिय खेलकुद परिषद् कार्यकारी समितिया दुजः कमलबहादुर भट्टराई, नेपाल टेनिस सङ्घ, तदर्थ समितिया कजि मनोहरदास मूललिसेंतय्सं थौं थन ग्वसाः ग्वःगु छगू ज्याझ्वलय् सफलताया भिंतुनालिसें बिदाइ बियादिल।

Categorized in कासा