प्रधानमन्त्री केपी शर्मा ओलीं थौं छगू समारोहदथुइ भागीरथा न्यौपाने बुद्धशान्ति अस्पतालया उलेज्या यानादीगु दु। बुद्धशान्ति गाउँपालिका–३ य् दातातय्सं ब्यूगु १५ कठ्ठा जग्गाय् उगु अस्पताल निर्माण जूगु खः।

नेपाःया हे न्हापांम्ह मिसा प्रधानपञ्च भागीरथा न्यौपानेया लुमन्तिइ वय्कःया काय् म्ह्याय्िपंसं लःल्हाःगु उगु जग्गाय् अस्पताल निर्माण जूगु बुद्धशान्ति गाउँपालिका नापं अस्पताल व्यवस्थापन समितिया नायः मनोज प्रसाईं धयादिल। मदुम्ह भागीरथा न्यौपाने उगु इलय् बुधवारे गाउँ पञ्चायतया प्रधानपञ्च खः। वय्कःया हे लुमन्तिइ अस्पतालया नां छूगु खः।

अस्पतालय् छम्ह एमडी, प्यम्ह एमबीबीएस व छम्ह रेडियोलोजिस्टलिसें खुम्ह चिकित्सकतय्सं उपचार सेवा बियाच्वंगु खः। गुकिइमध्ये पालिकां थःगु हे स्रोतपाखें स्वम्ह एमबीबीएस डाक्टर नियुक्त याःगु दु। बहिरङ्ग व अन्तरङ्ग चिकित्सकीय सेवा अन्तर्गत अस्पतालय् सामान्य चिकित्सा, सामान्य शल्यक्रिया, स्त्री नापं प्रसूति उपचार, शिशु नापं मचा स्वास्थ्य उपचार, सामान्य दन्त सेवा, प्राथमिक मिखा उपचार, प्रयोगशाला सुविधा, फार्मेसी सुविधा, एक्स रे सुविधा व नुगःचुया इको सेवा न्ह्याकाच्वंगु खः।

वइगु साउन १ गतेनिसें अस्पतालय् २४ घौ हे उपचार व बर्थिङ सेवा बिइगु धकाः नायः प्रसाईं कनादिल। पालिकां वंगु जेठ २६ गते भागीरथा न्यौपाने बुद्धशान्ति अस्पताल (सञ्चालन नापं व्यवस्थापन) कार्यविधि २०८२ यात बुद्धशान्ति राजपत्रय् पिथनाः कार्यान्वयनय् हःगु वय्कलं जानकारी बियादिल।कार्यविधि कथं पालिकाया नायः हे अस्पताल व्यवस्थापन समितिया पदेन नायः जुइगु व्यवस्था दु अस्पताल सञ्चालन यायेत कार्यविधिं बिस्कं कोषया नं व्यवस्था यानातःगु दु।

Categorized in राष्ट्रिय