सङ्घीय संसद् प्रतिनिधिसभाया बैठक थौं न्हिनसिया १ ताः इलय् सङ्घीय संसद् भवन न्हूगु बानेश्वरय् च्वनेत्यंगु दु।

थौंया बैठकय् सञ्चार लिसें सुचं प्रविधिमन्त्र पृथ्वीसुब्बा गुरुङं ‘सुचं प्रविधि लिसें साइबर सुरक्षा विधेयक, २०८२’ न्ह्यब्वयादीगु सम्भावित ज्या धलः क्वःछिनातःगु दु।

अथे हे उद्योग, वाणिज्य लिसें आपूर्तिमन्त्री दामोदर भण्डारीं ‘औद्योगिक सम्पत्ति सम्बन्धी विधेयक, २०८२’ न्ह्यब्वइगु धलखय् दु। अथे हे कानुन, न्याय लिसें संसदीय मामिलामन्त्री अजयकुमार चौरसियां ‘छुं नेपाल ऐनयात संशोधन यायेत दयेकूगु विधेयकय् राष्ट्रियसभापाखें जूगु संशोधनय् विचाः यानादिस’ धकाः प्रस्ताव न्ह्यब्वइगु ज्या धलः क्वःछनातःगु दु।

Categorized in राष्ट्रिय