वरिष्ठ बाल नेत्ररोग विशेषज्ञ प्राडा सविना श्रेष्ठं च्वयादीगु ‘अकथ्यको प्रतिध्वनि’ व ‘आफूलाई भुलाई’ पितब्वज्या जुगु दु।

नेपाली, अङ्ग्रेजी व नेपाल भाषाया च्वसु दुथ्याःगु ‘अकथ्यको प्रतिध्वनि’ दुने १०२ म्ह कैदीतय्गु आत्मकथा जीवन्त कथं पिब्वयातःगु दु सा ‘आफूलाई  भुलाई’ चिनाखँ मुनाय् थी थी स्वीप्यंगू चिनाखँ दुथ्याकातःगु दु।पुलांम्ह प्रधानन्यायाधीश विश्वम्भरप्रसाद श्रेष्ठ, साहित्यकार शङ्करप्रसाद कोइरालां मंकाः कथं थुपिं कृतिया शनिबाः पितब्वज्या जुगु खः।

पुलांम्ह प्रधानन्यायाधीश श्रेष्ठं थुगु सफुतिं नेपाली साहित्यया ख्यलय् छसु न्हूगु अप्पा तनेगु ज्या याःगु धयादिल। नेपाल नेत्रज्योति संघया कार्यकारी निर्देशक लिसें वरिष्ठ साहित्यकार डा शैलेशकुमार मिश्रया कथं प्रा डा सविना श्रेष्ठं पिथनादीगु कृति दुने जीवन, जगत्, मनू, मतिना व स्वापूया थी थी दसुयात सुक्ष्म कथं ध्वाथुइक पिब्वयातःगु दु।

चित्रकला व म्ये हालेगुली नं सक्रिय डा श्रेष्ठ छम्ह बाल नेत्ररोग विशेषज्ञ खः।

Categorized in मनोरन्जन