इजरायल–इरान सैन्य युद्धय् इरानी राष्ट्रपति मसुद पेजेसकियान घाःपाः जूगु दु।

इरानया रिभोलुसनरी गार्डनाप च्वंगु सरकारी फार्स समाचार एजेन्सीया कथं जुन १६ य् राजधानी तेहरानय् छगू गोप्य भूमिगत सुविधाया प्रवेश व निकास बिन्दुइ लक्षित याना खुगः बम हमला याःगुलि पेजेसकियान सर्वोच्च राष्ट्रिय सुरक्षा परिषदया आकस्मिक बैठकय् ब्बति कयाच्वंगु खः।

राष्ट्रपति व मेमेपि व्यक्तिपि आपतकालीन लँ बिस्यु वनेगु झ्वलय् तुतिइ घाःपाः जूगु बुखँ वःगु दु।इरानं आः इजरायली एजेन्ट तय्स घुसपैठया सुराग जुयाच्वंगु धका धयादीगु खः। १२ दिं तक युद्धय् सामाजिक सञ्जालय् पोस्ट यागु भिडियोय् उत्तर–पश्चिमी तेहरानया पहाडी क्षेत्रय् तकः मछि हमला जूगु क्यनाच्वंगु खः।

इरानया शीर्ष अधिकारी व कमान्डर तयेगु थाय् व संवेदनशील गोप्य सुविधाया थाय् याःगु बारे इजरायलं गये याना महत्वपूर्ण गुप्तचर जानकारी संकलन यात धइगु बारे अझ न यक्को न्ह्यसः ब्बलना च्वंगु दु।

Categorized in अन्तर्राष्ट्रिय