मीनबहादुर भाम निर्देशन याःगु ‘शाम्बाला’ उत्कृष्ट फिल्म घोषित जूगु दु। २०८१ य् प्रदर्शन जूगु गूगु संकिपापाखे गूगु विधाय् वितरण याःगु ‘राष्ट्रिय चलचित्र पुरस्कार’ य् निर्देशक भाम हे ‘उत्कृष्ट निर्देशक’ जूगु दु।

‘राष्ट्रिय चलचित्र पुरस्कार’पाखे ‘छक्का पञ्जा ५’ न कलाकार दीपकराज गिरीं उत्कृष्ट लेखन÷पटकथा, छायाकार पुरुषोत्तम प्रधानं ‘पिताम्बर’पाखे उत्कृष्ट छायांकन, भरत रेग्मीं ‘पुजार सार्की’पाखे उत्कृष्ट सम्पादन, ‘खुस्मा’पाखे उपासनासिंह ठकुरी उत्कृष्ट अभिनेत्री व विजय बरालं ‘पूर्णबहादुरको सारङ्गी’ पाखें उत्कृष्ट अभिनेता जूगु दु।

अथेहे नेपाल भाषाया ‘गालय् वन’ उत्कृष्ट आदिवासी जनजाति फिल्मपाखे सम्मानित जूगु दु। ‘निर्णायक समिति प्रोत्साहन पुरस्कार’य् अभिनेता प्रदीप खड्कायात ‘पुजार सार्की’पाखे पाखे निर्णाय समितिं  याःगु खः।राष्ट्रिय चलचित्र पुरस्कारया निर्णायकय् कलाकार रमेश बुढाथोकी, एनबी महर्जन, करण थापा, सुचित्रा श्रेष्ठ व दीपेन्द्र के खनालपि खः।

चलचित्र निर्देशक लक्ष्मीनाथ शर्मायात दीर्घसाधना सम्मान (लाइफटाइम अचिभमेन्ट) पाखे नगद ३ लाख ७५ हजार नाप याःगु खः। ज्याझ््वलय् फिल्म क्षेत्रय् विशेष योगदानयाःपिं झीम्ह व्यक्तित्वय  ‘विशेष योगदान सम्मान’ (२०८१) लःल्हागु खः।

कलाकार प्रेम सुब्बा, पाश्र्व गायिका देविका बन्दना, छायाकार दीर्घ गुरुङ, निर्देशक÷कलाकार अनुप बराल, प्राविधिक परशुराम चौधरी, कलाकार सुरक्षा पन्त, प्रदर्शक÷वितरक नकिम उद्दिन, कलाकार उत्तम केसी, कलाकार अञ्जु रञ्जितकार व कलाकार निखिल उप्रेतीयात सम्मान याःगु खः।

Categorized in मनोरन्जन