गृहमन्त्री रमेश लेखकं प्रधानमन्त्री केपी शर्मा ओलीया स्पेन भ्रमणय् सरकारी प्रतिनिधिमण्डल बाहेकंयापिं वंगु धइगु विषय निष्पक्ष छानबिन यायेत निर्देशन बियादीगु दु।

मन्त्री लेखकं थौं स्पेन भ्रमणबारे छानबिन यायेत गृह सचिव गोकर्णमणि दुवाडी व प्रहरी महानिरीक्षक दीपक थापायात निर्देशन बियादीगु वय्कःया सचिवालयं धाःगु दु। “प्रधानमन्त्रीया प्रतिनिधिमण्डल बाहेकं स्पेन सु सु वन? छु विधि प्रक्रिया व गुगु संस्थापाखें स्पेन भ्रमणय् वन धकाः छानबिन यायेत निर्देशन बियागु दु”, मन्त्री लेखकं धयादिल, “स्पेन वनेत भिजिट भिषाया प्रबन्ध सुनां यात? लिसे उगु विषय अनुसन्धान जुइ।”

उगु विषयया दुग्यंकं छानबिन या निंतिं प्रहरीया केन्द्रीय अनुसन्धान ब्युरो व मानब बेचबिखन अनुसन्धान ब्युरो छ्यलीगु दु। “थुगु विषय दोषी खनेदूपिंत कारबाही यायेगु जुइ”, वय्कलं धयादिल। प्रधानमन्त्री ओली थ्व हे असार १४ गते स्पेन भ्रमणय् झायादीगु खः। 

Categorized in राजनीति