वंगु महिनाय् चीनपाखे अमेरिकाय् निर्यात पूर्वानुमान स्वया अप्पो जुगु सरकारी तथ्याङ्कं क्यःगु दु।

वाशिङ्टन व बेइजिङं कर घटे यायेगु सम्भावित सम्झौताय् सहमति जुइवं चीनया निर्यात जुन महिनाय् अनुमान यागु स्वया अप्पो जुगु अन्तर्राष्ट्रिय समाचार संस्था एएफपी न धाःगु दु।

चीनया सामान्य कर प्रशासनया तथ्याङ्क कथं निर्यात न्हापागु दँ स्वया थुगु महिनाया तुलनाय् ५ दशमलव ८ प्रतिशतं थहावंगु दु। थ्व अर्थशास्त्री तय्स ब्लुमबर्ग सर्वेक्षणय् याःगु ५ प्रतिशतया पूर्वानुमान स्वया अप्पो जुगु दु। अथेहे थुगु इलय् अमेरिकापाखे आयात १ दशमलव १ प्रतिशतं थहावःगु बुखँ दुगु धाःगु दु।

थुगु दँया जुन महिनाय् स्वया ० दशमलव ३ प्रतिशतं स्वया अप्पो व थुगु दँय् न्हापा स्वया अप्पो जुगु दु।अमेरिकाया राष्ट्रपति डोनल्ड ट्रम्पं यक्को कर थकागुलि वाशिङ्गटननाप व्यापार युद्धया कारण आर्थिक वृद्धियात निरन्तरता बिइगु बेइजिङया कुतः प्रभावित जूगु दु, अय्न वंगु महिना बेलायतय् जुगु निगु देय् या वार्ताय् विवाद म्हो जुगु दु।

Categorized in अन्तर्राष्ट्रिय