बेलायतया लड्सय् जुयाच्वंगु न्यागु टेस्ट क्रिकेट कासाय् स्वगूगु टेस्ट क्रिकेटया लिपागु दिं इङ्ग्ल्यान्डं भारतयात २२ रनं बूकुगु दु।

भारतयात १७० रनय् अलआउट यासे घरेलु टोलीं उगु कासा त्याकूगु खः। थुगु कासा लिपा इङ्ग्ल्यान्डं भारतनाप न्यागु टेस्ट सिरिजय् २–१ न न्ह्यने लाकूगु दु।थ्व स्वया न्ह्यः बेन स्टोक्सया टोलीं भारतयात न्यागु विकेटं बूकुगु खः। विदेशी भूमिइ भारत निकः तक बूगु दु।

इङ्ग्ल्यान्डया जो रुटं दकलय् अप्पो १०४ रन दयकूगु खःसा जेमी स्मिथ व ब्रायडन कार्सं ५१ व ५६ रन दयकूगु खः। भारतं न्हापागु इनिङ्सय् १० विकेटय् ३८७ रन दयकूगु खः। केएल राहुलं १००, ऋषभ पन्तं ७४ व रविन्द्र जडेजां ७२ रन दयकूगु खः। निगुगु इनिङ्सय् इङ्ग्ल्यान्डं १० विकेटय् १९२ रन दयकूगु खः।

भारतयात १९३ रनया आज्जु  बिइगुलि १७० रनय् अलआउट जूगु खः।भारतया निति जडेजां दकलय् अप्पो ६१ रन दयकूलि राहुल ३९ रनय् आउट जुगु खः। इङ्ग्ल्यान्डया जोफ्रा आर्चर व बेन स्टोक्सपिन्स स्वगू स्वगू विकेट काःगु खः।

Categorized in कासा