वीरगञ्जलिसें मधेसया थी थी थासय् ब्वलंगु त्वनेगु लःया सङ्कट ज्यंकेत मधेस प्रदेश विपद् व्यवस्थापन कार्यकारी समितिं वारणयन्त्रपाखें लः आपूर्ति यायेगु निर्णय याःगु दु।

प्रदेश सरकारयाके दूगु न्याद्वः लिटर क्षमताया च्यागः वारुणयन्त्र थौं वीरगञ्ज छ्वःगु दु। मुख्यमन्त्री सतिशकुमार सिंहं त्वनेगु लःया समस्या समाधानया निंतिं थः क्रियाशील जुयागु धयादीगु दु।

त्वनेगु लःया समस्या जूगु थासय् वारुणयन्त्र नीप्यघौं हे छ्यलेगु धयादिसें वय्कलं वारुणयन्त्रया व्यवस्थापन व लः आपूर्ति नेपाली सेनां याइगु धयादिल। नापं सेनां थःके दूगु न्हय्गः ट्याङ्करपाखें नं लः आपूर्ति यायेगु तयारी यानागु धाःगु दु।

थ्वसिबें न्ह्यः वन विभागं स्वंगः ट्याङ्करपाखें सुख्खाग्रस्त लागाय् त्वनेगु लः आपूर्ति यानाच्वंगु खः।

Categorized in राष्ट्रिय