चन्द्रागिरि नगरपालिकाया नगरसभां आर्थिक दँ २०८२÷८३ या निंतिं कूल २ अर्ब ९३ करौड ४६ लख बजेट बहुमतं पारित याःगु दु।

नगरसभाया १६ क्वःगु अधिवेशनं चालु खर्च १ अर्ब २२ करौड ७८ लख व पुँजीगत खर्च १ अर्ब ७० करौड ६८ लख दु। सभाय् नगरप्रवक्ता कृष्णप्रसाद खड्गीं उगु बजेट व ज्याझ्वः न्ह्यब्वयादिल।

नगरप्रमुख घनश्याम गिरीं बहुमतपाखें आर्थिक दँ २०८२÷८३ या बजेट व ज्याझ्वः पारित जूगु जानकारी बियादिसें बजेटं नगरवासीतय् माग संबोधन जुइगु भलसा प्वंकादिल। वय्कलं बजेट कार्यान्वयनमुखी जूगु ध्वाथुइकादिसें सहमति, सहकार्य व एकताया माध्यमं नगरया समृद्धिइ न्ह्यज्यायेत आह्वान नं यानादिल।

Categorized in राष्ट्रिय