दक्षिण अफ्रिका विरुद्धया स्वगू देय् दथुइ जुगु टि–२० अन्तर्राष्ट्रिय क्रिकेट सिरिजय् न्युजिल्यान्डं त्याकूगु दु।जिम्बावेया हरारे स्पोट्र्स क्लबय् म्हिगः जूगु कासाय् न्युजिल्यान्डं दक्षिण अफ्रिकायात २१ रनं बुकूगु खः।

१७४ रनया लक्ष्य ज्वना वनाच्वंगु दक्षिण अफ्रिकां १८ ओभर व २ बलय् १५२ रन दयेकाः अलआउट जूगु खः। छगू चौका व स्वंगू छक्काया ग्वाहालिं दक्षिण अफ्रिकाया डिवाल्ड ब्रुेभिसं १८ बलय् ३५ रन दयेकाः सर्वाधिक रन दयेकूगु खः। न्युजिल्याण्डया निंतिं जोकब डफी व ग्याट हेनरीं ३–३ व ईश सोधीं २ विकेट काःगु खः।

थ्वसिबें न्ह्यः टस बुया ब्याटिङ याःगु न्युजिल्यान्डं निर्धारित २० ओभरय् ५ विकेट गुमे यानाः १७३ रन दयेकूगु खः। न्युजिल्याण्डया टिम रोबिन्सनं नटआउट अर्धशतक दयकूगु खः। रोबिन्सनं खुगु चौका व स्वंगू छक्काया ग्वाहालिं ५७ बलय् ७५ रन दयेकाः दकलय् अप्वः रन दयेकूगु खः।

दक्षिण अफ्रिकालिसे बराबरीइ २ ल्याः मुंकूगु न्युजिल्यान्ड रन रेटया ल्याखं शीर्ष थासय् दु। घरेलु टिम जिम्बाब्वेया छगु हे ल्याः काये मफुगु खः।थ्व सिरिज डबल राउण्ड रोबिन फम्र्याटय् म्हितीगु जूगु दु। अले शीर्ष २ गू पुचः दथुइ फाइनल म्हिती। थुगु सिरिजया स्वंगूगु कासा शुक्रवाः न्युजिल्यान्ड व जिम्बाब्वे दथुइ जुइत्यंगु दु।

Categorized in कासा