किपूया न्हूबजारय् च्वम्ह ब्यवसायी सकेश महर्जन वंगु असार ३१ गते मंगलवाःनिसें तनाच्वंगु दु।

लिक्वेर ब्यवसाय यानावया च्वंम्ह सकेश ३१ गते मंगलवाः न्हिनय् १२ ता ईलय् छेँय् नं पिहांवंम्ह अनंलिपा सम्पर्कबिहिन जूगु खँ सकेशया काय् बैभव महर्जनया फेसबुकय् सुचं तःगु खः।

सकेशयात मालेगु झ्वलय् मोबाईलया कनेक्टिभिटी व लोकेशन मालेगु झ्वलय् सकेशं गया वंगु बाईक चन्द्रागिरी ९ मच्छेगामय् दुगु धका धाःगु दु।

सकेश सम्पर्कबिहिन जूगु जाहेरी परिवारं प्रहरी वृत्त किपुलिइ ब्यूगु दुसा सकेशयात मालेगु ज्या न्ह्याःगु धाःगु दु। सकेशं गयावंगु बाईक प्रहरी प्रभाग, मच्छेगांमय् तयातःगु धाःगु दु।

Categorized in राष्ट्रिय