पपस्टार बियोन्सेया रिलिज मजुगु संगीत दुथ्यागु हार्डड्राइभ व मेमेगु सामग्री खुया यकूगु दु।

प्रहरीया कथं वंगु वाय् एटलान्टाय् जुगु ‘काउब्वाय कार्टर’ टूरया झ्वलय् बियोन्सेया कोरियोेग्राफरं बालं कयातःगु कार दुने उगु सामग्री तयातःगु खः। जुलाई ८ य् उगु खुया यकेवं थःत फोन वःगु धका प्रहरीं धाःगु दु। प्रारम्भिक अनुसन्धानं पत्ता लगे जुगु कथं, बियोन्सेया कोरियोग्राफर क्रिस्टोफर ग्रान्ट व वया ब्याकअप डान्सर डायन्ड्रे ब्लूनाप सम्बन्धित निगः सुटकेस बालं कयातःगु जीप वागोनियरपाखे खुया यकगु खः।

चोरी यकूगु सामानय् वाटरमार्क याना तःगु, अप्रकाशित संगीत, फुटेज, वंगु व भविष्यया सेट लिस्ट दुथ्याःगु निगः ल्यापटप व हार्ड ड्राइभ न दुथ्याःगु दु धका रिपोर्टय् उल्लेख यानातःगु दु।प्रहरीं बिउगु जानकारी कथं छम्हेसित पक्राउ वारेन्ट जारी याये धुकुगु दु। रिपोर्ट कथं, ग्रान्टया गाडीपाखे ४१,००० भाः लं, ४५०० भाः तुगु टम फोर्डया चश्मा व ४७५० भाः तुगु टुमी बुक ब्याग न खुया यकूगु धका धाःगु दु।

जुलाई १०, ११ व १३ य् मर्सिडीज–बेन्ज स्टेडियमय् न्ह्यब्बय् धुका एटलान्टाय् व लिपागु कन्सर्ट जुइ धका धाःगु खः। जुलाई २५ य् लस भेगासय् थःगु सास्कृपतक ज्याझ्वः न्ह्यब्बय् त्यःगु खः।

Categorized in मनोरन्जन