रुसया राष्ट्रपति भ्लादिमिर पुटिनं युक्रेननाप शान्ति वार्ता यायेत तयार दु धका धाःगु दु।

वयकलं अन्तर्राष्ट्रिय समुदायनाप संबादय् रुसी पक्ष वार्तापाखे द्वन्द्व समाधान यायेत इच्छुक दु धइगु सङ्केत ब्यूगु दु धका समाचारसंस्था रोयटर्स न धाःगु दु। राष्ट्रपति पुटिनं थः न्ह्यावलय् शान्तिपूर्ण समाधानया पक्षय् दु धका धयादीगु खः।

यदि युक्रेन व पश्चिमी देय् वार्ताया लँपुइ वनेत थः तयार दु धका धाःगु दु। थुगु धापू न रूस–युक्रेन युद्ध क्वचायकेगुलि कूटनीतिक कुतः यायेत हाकन सङ्केत क्यगू दु।अय्न, युक्रेनया सरकार व वयागु ग्वहालिमि पश्चिमी देय् कडा सर्तय् जक वार्ता यायेगु अडानय् दु।

थ्व स्वया न्ह्यः ट्रम्पं रुसयात युद्धविराम यायेगु सहमत यायेत व मेगु प्रतिबन्ध सामना यायेत ५० दिं ई ब्यूगु खः। युक्रेनय् लगातार हमला याना च्वंगु धासे ट्रम्पं लिपागु इलय् पुटिननाप तंचाःगु खः। स्वदँ न्ह्यः न्ह्यागु रुस–युक्रेन युद्धय् आःतक तधःगु मानवीय व भौतिक क्षति जुइ धुकुगु दु।

Categorized in अन्तर्राष्ट्रिय