सभामुख देवराज घिमिरेें प्रतिनिधि सभाय् जुयाच्वंगु पंगः चायकेत राष्ट्रिय स्वतन्त्र पार्टी (रास्वपा) व राष्ट्रिय प्रजातन्त्र पार्टी (राप्रपा) यात इनाप यानादीगु दु।मंगलवाः न्हिनय् सभामुख घिमिरें कानून, न्याय लिसे संसदीय मामिला मन्त्री अजयकुमार चौरसियानाप रास्वपा व राप्रपाया नेतापि नाप सहलह यानादीगु दु।

उगु सहलह यायेगु निति रास्वपा कार्यवाहक सभापति डीपी अर्याल व राप्रपा उपाध्यक्ष बुद्धिमान तामाङं ब्बति काःगु खः। सभामुखया सचिवालयया कथं घिमिरे धयादीगु दु, ‘भिजिट भिसा प्रकरणयात कया निगु दल निरन्तर संसदीय कारबाहीलय् ब्बति काःगु मदु, सरकार व छिकपि दथुइ संवाद मजुगुलि उकिया असर संसदय् लागु दु’संसद् न्ह्याना च्वंगु इलय् थथे पंगः जुयाच्वंगुलि थःत मछिगु महसुस जुगु दु धका सभामुख घिमिरें धयादीगु दु।

‘सभामुखया कथं जितः मछिगु कथं कयागु दु, जिगु थासय् मेम्ह सभामुख जूसा संसद न्ह्याकेमाःगु बाध्यतात्मक स्थिति दु’, घिमिरें धयादीगु दु।

Categorized in राष्ट्रिय